لاہور(پاکستان پوائنٹ نیوز۔24ستمبر 2016) وزیر اعلا پنجاب محمد شہباز شریف دی ہدایت اُتے صوبائی حکومت انسٹی ٹیوٹ آف نیو کلیئر میڈیسن اینڈ آنکولوجی لاہور نوں کینسر دے روگیاں دے علاج لئی 25 کروڑ رُپئے مالیت دی مشین دِتی جا رہی اے۔ ایہ گل مثیر وزیر اعلا پنجاب برائے صحت خواجا سلمان رفیق نے ذکر کیتی گئی مشین دی جلدی فراہمی دے اقدامات دا جائزا لین دے اجلاس دی صدارت کردے ہوئے ہوئے آکھی۔
ایس موقع اُتے انمول ہسپتال دے ڈائریکٹر ڈاکٹر ابوبکر نے وزیر اعلا پنجاب میاں شہباز شریف دا شکریہ ادا کردے ہوئے آکھیا کہ نویں مشین دے وادھے نال روگیاں دے علاج وچ آسانی پیدا ہووے تے روگیاں نوں لمے چِر تائیں انتظار وی نہیں کرنا پئے گا۔ خواجا سلمان رفیق نے آکھیا کہ وزیر اعلا پنجاب ولوں وفاقی حکومت دے ہسپتال نوں قیمتی مشین دیناایس گل دی عکاسی اے کہ میاں شہباز شریف دُکھی انسانیت دی خدمت لئی بغیر فرق دے اقدامات کرن اُتے یقین رکھدے نیں۔
