اسلام آباد( پاکستان پوائنٹ نیوز22۔مئی2018ء ) پاکستان تحریک انصاف نے پنجاب حکومت دی بدترین کارکردگی اُتے وائٹ پیپر شائع کرن بارے غور شروع کر دتا ۔ تحریک انصاف ولوں آشیانہ ہاؤسنگ سکیم، سستی روٹی، میٹرو، اورنج لائن ٹرین تے 56کمپنیاں دے معاملات چُکن دا فیصلا کیتا گیا اے۔ تحریک انصاف ولوں آکھیا گیا اے کہ نیب ایہناں سارے معاملات وچ کرپشن دا نوٹس لوے تے کارروائی کرے۔
تفصیل مطابق تحریک انصاف دے چیئرمین عمران خان دی صدارت ہیٹھ پارٹی رہنماواں دا مشاورتی اجلاس ہویا۔ اجلاس وچ ملک دی چالو (موجودہ) صورتحال تے آؤندے الیکشن دے حوالے نال وچار وٹاندرا کیتا گیا۔ اجلاس وچ جہانگیر ترین، شاہ محمود قریشی، اسد عمر، فواد چودھری تے ہورنے رلت کیتی۔ عمران خان دی صدارت ہیٹھ ہون والے اجلاس وچ نگران وزیر اعظم چُنن لئی وی ناواں بارے گل بات کیتی گئی۔
اجلاس وچ پارٹی دے 100دناں دے پروگرام دا جائزہ لیا گیا۔ اجلاس دوران شریف خاندان خلاف نیب کورٹ وچ سنوائی ہیٹھ مقدمیاں بارے غور کیتا گیا۔ تحریک انصاف دے چیئرمین عمران خان نے آکھیا اے کہ نواز شریف 2سوالاں دے جواب دے دین تے معاملا حل ہو جائے گا۔اوہناں دا کہنا سی کہ نواز شریف دسن کہ ایون فیلڈ اپارٹمنٹس کتھوں تے کیویں مُل لئے؟نواز شریف ایہ وی دسن کہ اوہناں دے بالاں دے 16اکاؤنٹس وچ 300ارب کتھوں آیا؟ایس توں وکھ اجلاس دوران پاکستان تحریک انصاف نے پنجاب حکومت دی بدترین کارکردگی اُتے وائٹ پیپر شائع کرن بارے غور شروع کر دتا ۔ تحریک انصاف ولوں آشیانہ ہاؤسنگ سکیم، سستی روٹی، میٹرو، اورنج لائن ٹرین تے 56کمپنیاں دے معاملات چُکن دا فیصلا کیتا گیا اے۔
