محمد آصف تے سلمان بٹ، عامر ولوں ویاہ تے نہ بُلان اُ تے بول پے،محمد عامر نوں میں وی اپنے ویاہ اُتے نہیں بُلایا سی: محمد آصف

لاہور(پاکستان پوائنٹ نیوز21۔ستمبر2016ء) قومی فاسٹ باؤلر محمد عامر دے ویاہ دی دعوت نہ ملن اُتے محمد آصف تے سلمان بٹ آخیر بول پئے۔ تفصیل دے مطابق قومی ٹیم دے سابق فاسٹ باؤلر محمد آصف نے ردعمل دیندے ہوئے آکھیا اے کہ محمد عامر نے اپنے ویاہ اُتے نہیں بُلایا تے کوئی گل نہیں میں وی اپنے ویاہ اُتے اوہنوں نہیں بُلایا سی۔ اوہناں نے آکھیا کہ ویاہ اُتے بُلان یاں نہ بُلان نال کوئی فرق نہیں پیندا۔ دوجے پاسے سلمان بٹ نے سپورٹس مین شپ دا وکھالا کردے ہوئے آکھیا کہ محمد عامر نے ویاہ تے نہیں بُلایا تے کوئی گل نہیں، میں اوہناں نوں فون کر کے ویاہ دی مبارک دے دیاں گا۔