کراچی(پاکستان پوائنٹ نیوز21۔ستمبر2016ء) بھارت دا اک ہور جھیڑوا کم سامنے آیا اے،بھارت ولوں کولڈ سٹارٹ ڈاکٹرائن دے تحت کارروائی دی تیاری کر لِتی گئی اے۔ وسیلیاں دے مطابق بھارت نے مخصوص نشانیاں اُتے حملے دی تیاری دا پہلا مرحلا مکمل کر لیا اے۔ نجی ٹی وی دی اُچیچی رپورٹ وچ دسیا گیا اے کہ بھارت دا اک جھیڑا کم سامنے آیا اے کہ بھارت نے کولڈ سٹارٹ ڈاکٹرائن دے تحت حملے دی تیاری کر لئی اے۔
وسیلیاں دا کہنا اے کہ پاکستان پہل نہیں کرے گا پر ریڈلائن کراس نہیں کرن دِتی جائے گی تے ایس حوالے نال آرمی چیف تے وزیر اعظم وچکار ہون والی بدھ دے دیہاڑے ٹیلی فون اُتے گل بات وچ ہر حملے دا زبردست جواب دین دی صلاحیت اُتے اطمینان دا وکھالا کیتا گیااے۔ وسیلیاں دا کہنا اے کہ بھارتی فضائی فوج ایڈوانس اڈیاں اُتے پہنچ گئی اے، ایس توں وکھ جنگ تے سرجیل حملیاں وچ ورتے جان والے جہاز وی اڈیاں اُتے پہنچ گئے نیں۔
وسیلیاں دے مطابق ہُن صرف دو مرحلے باقی رہ گئے نیں پر پاکستان نے اپنے دفاعی تے جوابی تدبیراں لئی اقدامات شروع کر دِتے نیں۔ وسیلیاں دا کہنا اے کہ جے بھارت حملا کردا اے تے فوری طور اُتے بھرپور جواب دِتا جائے گا۔ ایس موقع اُتے شمالی علاقیاں وچ اُڈاناں تے راہ سیل کرن دی وجہ وی ایہو کشیدگی دَسی گئی اے تے ایس حوالے نال پاکستانی حکام ولوں واضح کر دِتا گیا اے کہ پاکسان کسے وی حملے دا جواب دین دی بھرپور طاقت رکھدا اے۔
