رینجرز نے سکیورٹی لئی نیب لاہور دے ہیڈ آفس دا کنٹرول نہیں سنبھالیا، اصل گل کُجھ ہور نکلی

لاہور(پاکستان پوائنٹ نیوز24۔فروری2018ء) رینجرز ولوں نیب لاہور دے ہیڈ آفس دا کنٹرول سنبھالن دی اصل وجہ کُجھ ہور نکلی اے۔ تفصیل مطا بق رینجرز ولوں پچھلی رات نیب لاہور دے ہیڈ آفس دا کنٹرول سنبھا لیا گیا سی۔ ایس حوالے نال دسیا گیا سی کہ نیب نے آپ رینجرز نوں سکیورٹی دین دی درخاست کیتی سی۔پر ہن ایس حوالے نال ہور تفصیلاں ساہمنے آ ئیاں نیں۔ ساہمنے آن والیاں تفصیلاں مطابق رینجرز ولوں نیب لاہور دے دفتر دا کنٹرول سنبھالن دا مقصد احد چیمہ دیاں فائلاں غائب ہون توں بچانا سی۔ نیب نوں خطرہ سی کہ اوہناں دے دفتر اُتے حملا کر کے احد چیمہ کیس دیاں فائلاں غائب کر دتیاں جان گیاں، ایہو وجہ اے کہ رینجرز نوں سکیورٹی لئی سدیا گیا۔