اسلام آباد(پاکستان پوائنٹ نیوز24۔فروری2018ء) فنانشل ٹاسک فورس دی لسٹ وچ پاکستان دا ناں شامل ہون توں بچان لئی اک ہور ملک میدان وچ آگیا اے۔ تفصیل مطابق اقوام متحدہ دی فنانشل ٹاسک فورس ولوں دہشت گرداں دی مالی مدد کرن والے ملکاں دی لسٹ وچ پاکستان نوں شامل کرن دی کوشش کیتی جا رہی اے۔ لسٹ وچ ناں پین مگروں پاکستان نوں پابندیاں دا ساہمنا کرنا پے سکدا اے۔
پر کُجھ ملک پاکستان دا ناں ایس لسٹ وچ پان توں بچان لئی میدان وچ آگئے نیں۔ چین، ترکی تے سعودی عرب ولوں پاکستان دا ناں ایس لسٹ وچ پائے جان دی مخالفت کیتی گئی سی۔ پر ہن ملائیشیا نے وی پاکستان دی حمایت کر دتی اے۔ ایہناں چار ملکاں دی حمایت دی وجہ توں اقوام متحدہ دی فنانشل ٹاسک فورس نے پاکستان نوں دہشت گرداں دی مالی مدد کرن والے ملکاں دی لسٹ وچ شامل کرن دا معاملا ٹال دتا اے۔پر جون دے مہینے وچ ایس معاملے نوں فیر چُکے جان دا ڈر اے۔
