اسلام آباد(پاکستان پوائنٹ نیوز24۔فروری2018ء) چیئرمین تحریک انصاف عمران خان نے آکھیا اے کہ بیورو کریٹ احد چیمہ اُتے 14ارب رُپئے دی کرپشن دا الزام اے، بیوروکریسی دا گارڈ فادر فو اد حسن فواد اے،احد چیمہ دی گرفتاری مگروں ہڑتالاں تے پوسٹراں دی مہم شروع کیتی گئی، سپریم کورٹ نے پاناما کیس وچ رولنگ دتی کہ ادارے مفلوج نیں۔ اوہناں نے اسلام آباد وچ پریس کانفرنس کردے ہوئے آکھیا کہ 4ارب نال شوکت خانم ہسپتال بنیا اے۔
اک بیورو کریٹ اُتے 14ارب کرپشن دا الزام اے تے ایہ اجے نِکا افسر اے۔ اوہناں نے آکھیا کہ احد چیمہ دی گرفتاری مگروں ہڑتالاں تے پوسٹراں دی مہم شروع کیتی گئی۔ سپریم کورٹ نے پاناما کیس وچ رولنگ دیندے ہوئے آکھیا سی کہ سارے ادارے مفلوج نیں۔ ایہناں نوں مافیا ایس لئی آکھیا کہ ایہناں نے اداریاں نوں کنٹرول کر لیا اے۔ ایہناں اداریاں اُتے بیورو کریٹس بٹھا دتے نیں۔
عمران خان نے آکھیا کہ بیوروکریسی دا گارڈ فادر فواد حسن فواد اے۔ ایس طرحاں آفتاب سلطان جو آئی بی اُتے بیٹھا اے تے قمر زمان جو پہلا ڈی جی نیب سی ، اوہناں نے حدیبیہ پیپرز وچ اوہناں نوں سہولت دتی۔ اوہناں نے آکھیا کہ سعید احمد جیہدے بارے اسحاق ڈار نے آکھیاکہ اوہ منی لانڈرنگ کردا سی۔ ظفر حجازی جہدے اُتے کرپشن دے الزام نیں، اوہناں ساریاں نال شہباز شریف کرپشن کردا اے۔
