اک پرچا کار دی خبر نے ملک نوں کیویں ارباں رُپئے دا انقصان اپڑایا؟مشہور پرچا کار نے دس دتا

لاہور(پاکستان پوائنٹ نیوز10۔فروری2018ء) اک پرچا کار دی خبر نے ملک نوں کیویں ارباں رُپئے دا انقصان اپڑایا؟مشہور پرچا کار نے دس دتا۔ تفصیل مطابق مشہور اینکر و پرچاکار منصور علی خان نے اک پروگرام دوران گل بات کردے ہوئے آکھیا کہ جس دن پاناما دا فیصلا آیا اوس دن اک پرچاکار احمد درانی نے ایہ خبر دتی کہ نواز شریف پاناما کیس وچ بچن والے نیں۔ پاناما دا فیصلا اک وجے آنا سی۔

سویرے ساڈھے نو وجے سٹاک مارکیٹ کُھلی تے سٹاک مارکیٹ نے ساڈے بارھاں پوائنٹس دا جمپ ماریا۔ اک وجے فیصلا آیا تے نواز شریف نا اہل ہو گئے ، مارکیٹ اک دم 1500توں 1800پوانٹس ڈِگ گئی۔ جہدے نتیجے وچ ارباں رُپئے دے نقصان ہویا پر اج تیکر کسے نے احمد درانی بارے نہیں پُچھیا۔ اوہناں دا کہنا سی کہ نِکے نِکے سرمایہ دار اپنی بیوی دا سونا ویچ کے سرمایہ کاری کردے نیں پر ایتھے اک پرچا کاردی خبر نے اگ لا دتی تے ارباں رُپئے دا نقصان ہویا پر اوس پرچا کار یاں اوس ادارے نوں کوئی پُچھن والا نہیں اے۔