رانا ثناء اللہ دی وضاحت قبول نہیں ،ایس مسئلے اُتے اسیں(ن) لیگ توں وکھ ہو گئے آں:ترجمان پیر آف سیال شریف

سرگودھا(پاکستان پوائنٹ نیوز10۔فروری2018ء) پیر آف سیال شریف خواجا حمید الدین سیالوی دے ترجمان شمس الرحمان مشہدی نے آکھیا اے کہ رانا ثناء اللہ دی وضاحت اخلاقی تے شرعی اعتبار نال قبول نہیں اے، ایس مسئلے اُتے اسیں(ن) لیگ توں وکھ ہو گئے آں ، ہن واپسی دی کوئی آس نہیں اے۔ ترجمان شمس الرحمان مشہدی نے آکھیا کہ چالو حکومت خلاف پرامن احتجاج دا سلسلا جاری رہوے گا تے اُمت بیداری لئی تحریک تحفظ ختم نبوت نوں ضلع توں یونین کونسل دی پدھر تیکر موثر بنایا جا رہیا اے۔

اوہناں نے آکھیا کہ (ن) لیگ نوں ساڈی طاقت تے اثر دا آؤندے الیکشن وچ پتا لگ جائے گا۔ اوہناں دا کہنا سی کہ سرگودھا، خوشاب، جھنگ، فیصل آباد تے چنیوٹ وچ ہر تھاں آؤندے الیکشن وچ (ن) لیگ دی بھرپور مخالفت کیتی جائے گی۔ اوہناں نے دسیا کہ تحریک لبیک یا رسول اللہ دے دوویں دھڑیاں نوں الیکشن توں پہلاں اکٹھا کرن لئی پیر آف سیال شریف حمید الدین سیالوی نے کوششاں شروع کر دتیاں نیں۔