لاہور(پاکستان پوائنٹ نیوز05۔فروری2018ء) پاکستان تحریک انصاف دے رکن صوبائی اسمبلی افتخار مشوانی نے آکھیا اے کہ فرانزک رپورٹ وچ مردان دی 4ورھیاں دی اسماء نال زیادتی دی تصدیق نہیں ہوئی۔ تفصیل مطابق افتخار مشوانی دا کہنا اے کہ بالڑی نوں قتل وی نہیں کیتا گیا بلکہ اوہدی موت قدرتی ہوئی اے۔اوہناں دا کہنا سی کہ ضلعی ناظم بالڑی نال زیادتی دا الزام لا کے سیاست چمکا رہیا اے جدکہ مردان دے علاقے گوجر گڑھی وچ اسماء دے قتل خلاف عوامی نیشنل پارٹی تے پاکستان تحریک انصاف نے وکھ وکھ ریلیاں کڈھیاں نیں۔
چیتے رہوے کہ مردان دے علاقے گوجر گڑھی وچ چار ورھیاں دی اسماء نامی بالڑی نوں زیادتی مگروں قتل کر دتا گیا سی۔ اسماء دی پوسٹمارٹم رپورٹ وچ تصدیق ہوئی سی کہ اوہنوں زیادتی مگروں قتل کیتا گیا۔
