ریحام خان پاکستان چھڈ کے باہرلے ملک چلے گئیاں

لاہور(پاکستان پوائنٹ نیوز05۔فروری2018ء) چیئرمین پی ٹی آئی عمران خان دی سابقہ بیوی ریحام خان دھمکیاں ملن دی وجہ توں پاکستان چھڈ کے باہرلے ملک ٹُر گئیاں نیں۔ تفصیل مطابق اوہناں نے نجی ٹی وی چینل نال گل بات کردے ہوئے آکھیا کہ مینوں ملن والیاں دھمکیاں دی وجہ توں میری دھی نوں وی سکول چھڈنا پیا۔ میں ایس ویلے بہت پریشان تے بہت غصے وچ آں۔ ریحام خان دا نجی ٹی وی نال گل بات کردے ہوئے کہنا سی کہ مینوں ان پچھاتے بندیاں ولوں دھمکیاں مل رہیاں ، جہدی وجہ توں مینوں پاکستان چھڈنا پیا۔ ریحام خان نے ہور آکھیا کہ پاکستان وچ بِہ کے ٹھیک گل بات نہیں کر سکدی۔ پاکستان وچ کسے سیاسی جماعت نے میری حمایت نہیں کیتی۔