قومی اسمبلی اجلاس: کیپٹن صفدر نے واجد ضیاء خلاف تحریک استحقاق جمع کروا دتی

اسلام آ باد(پاکستان پوائنٹ نیوز12۔جنوری2018ء) قومی اسمبلی وچ کیپٹن صفدر نے واجد ضیاء خلاف تحریک استحقاق جمع کروا دتی۔ تفصیل مطابق کیپٹن (ر) صفدردا کہنا اے کہ پارلیمنٹ آئین مطابق اعلا اختیاررکھن والا ادارہ اے تے ایس ادارے نوں اک گریڈ 20دا افسر فراڈ تے جھوٹھ قرار دے رہیا اے۔ اوہناں دا کہنا سی کہ میں رکن قومی اسمبلی دے طور اُتے واجد ضیاء ولوں پارلیمنٹ تے ارکان اسمبلی اُتے لائے گئے جھوٹھے الزاماں دے حوالے نال تحریک استحقاق پیش کرنا واں۔ اوہناں نے مطالبہ کیتا کہ ایہدے اُتے ضابطے دی کارروائی عمل وچ لیاندی جائے۔