قومی اسمبلی اجلاس: خطاب دی اجازت نہ ملن اُتے عائشہ گلا لئی نے ایجنڈے دیاں کاپیاں پاڑ دتیاں

قومی اسمبلی اجلاس: خطاب دی اجازت نہ ملن اُتے عائشہ گلا لئی نے ایجنڈے دیاں کاپیاں پاڑ دتیاں

اسلام آباد(پاکستان پوائنٹ نیوز12۔جنوری2018ء) سپیکر ولوں خطاب دی اجازت نہ ملن اُتے عائشہ گلالئی نے احتجاجن ایجنڈے دیاں کاپیاں ہوا وچ اُڈا کے ایوان توں واک آؤٹ کیتا۔ جمعے دے دیہاڑے قومی اسمبلی اجلاس دوران اوس ویلے دلچسپ صورتحال پیدا ہوئی جدوں پی ٹی آئی دی منحرف رکن اسمبلی عائشہ گلالئی نے اپنی سیٹ اُتے کھلو کے گل کرن دی اجازت منگی پر اوہناں نوں اجازت نہ ملی،جہدے اُتے عائشہ گلالئی ڈائس نیڑے پہنچ گئیاں تے احتجاج کیتا پر سپیکر قومی اسمبلی نے اوہناں نوں بولن دی اجازت نہ دتی ، جہدے مگروں عائشہ گلالئی غصے وچ اپنی سیٹ توں جاندے ہوئے سپیکر دے روئیے خلاف احتجاجن واک آؤٹ کر گئیاں ۔

ایس دوران ایم کیو ایم دے رکن اسمبلی نوں وی صورتحال بارے دسیا گیا۔ یاد رہوے کہ عائشہ گلالئی دے احتجاج دوران تحریک انصاف دے ارکان نے اوہناں ول کوئی توجہ نہ دتی۔