قصور واقعے دا ملزم اجے گرفتارنہیں ہویا، چھیتی ملزم تیکر اپڑ جاواں گے: آئی جی پنجاب

قصور(پاکستان پوائنٹ نیوز12۔جنوری2018ء) آئی جی پنجاب نے زینب دے قاتل نوں گرفتار کیتے جان دیاں خبراں نوں رد کر دتا اے۔ تفصیل مطابق قصور واقعے بارے آئی جی پنجاب عارف نواز ولوں بیان جاری کیتا گیا اے۔ آئی جی پنجاب دا کہنا اے کہ قصور واقعے دا ملزم اجے نہیں گرفتار ہویا پر چھیتی ملزم تیکر اپڑ جاواں گے۔ کئی مشتبہ بندیاں نوں گرفتار کر کے اوہناں دے ڈی این اے ٹیسٹ کر رہے آں۔ جس طرحاں اسیں محنت کر رہے آں ، کیس چھیتی نبڑ جائے گا۔ آئی جی پنجاب دا کہنا اے کہ سارے وسائل ورتے جا رہے نیں ، تحقیقات وچ وفاقی و صوبائی ایجنسیاں تعاون کر رہیاں نیں۔ ثبوتاں دی بنیاد اُتے جے آئی ٹی تحقیقات کر رہی اے۔