مانسہرہ(پاکستان پوائنٹ نیوز23۔دسمبر2017ء) جمعیت علماء اسلام ضلع مانسہرہ دے امیر سابق سینیٹر مولانا سید ہدایت اللہ شاہ نے آکھیا اے کہ صوبائی حکومت علماء کرام نال مذاق بند کر ے، چپڑاسی دی تنخاہ ایس ویلے 25توں 30ہزار رُپئے اے تے علماء کرام دا وظیفہ 10ہزار رُپئے متھنا علماء دی توہین اے۔ وفاق المدارس دا فیصلا ے کہ علماء کرام حکومت توں کوئی پیسہ نہ لین، اسیں ایہدے پابند آں تے علماء کرام دی آزاد ی نوں دبن نہیں دیواں گے، اسیں حکومت دی سازش نوں ناکام بنادیواں گے۔
علماء کرام دے وفد نال گل بات کردے ہوئے اوہناں نے آکھیا کہ علماء دیوبند نے برصغیر وچ آزادی دی جنگ لڑ کے آزادی حاصل کیتی اے۔ علماء کرام اُتے لوکائی اعتماد کردی اے، حکومتی پیسہ لین نال لوکائی دا اعتماد ختم ہو جائے گا۔ اوہناں دا کہنا سی کہ جمعیت علماء اسلام علماء دی آزادی دی جنگ لڑ رہی اے، علماء کرام محکوم نہ بنن، حاکم بن کے زندگی لنگھان۔ علماء کرام اپنا کوئی ڈیٹا حکومت نوں نہ دین۔ اوہناں نے آکھیا کہ تحریک انصاف دی حکمت علماء کرام دا ضمیر نہیں خرید سکدی‘ علماء کرام یہودیاں دے ایجنڈے نوں ناکام بنا۔ این جی اوز دا ایہ پیسہ وقتی اے تے ختم ہو جائے گا۔اوہناں دا کہنا سی کہ این جی اوز راہیں پیسے دے کے علماء کرام نوں خریدن دی کوشش کیتی جا رہی اے۔
