کراچی(پاکستان پوائنٹ نیوز23۔دسمبر2017ء) شاہ زیب قتل کیس وچ عدالت نے شاہ رخ جتوئی سنے سارے ملزماں دی ضمانت منظور کر لئی اے۔ تفصیل مطابق شاہ زیب قتل کیس وچ سزا کالعدم ہون اُتے شاہ رخ جتوئی سنے سارے ملزماں نے ضمانت لئی درخاست جمع کروائی سی جہدے اُتے سیشن جج جنوبی نے سنوائی کردے ہوئے ملزماں دی ضمانت درخاست منظور کر لئی اے۔ عدالت نے ملزماں نوں ضمانت دے بدلے 5,5لکھ رُپئے دے ضمانتی مچلکے جمع کروان دا حکم وی دتا۔
عدالت نے اسلحہ کیس وچ شاہ رخ جتوئی نوں اک لکھ رُپئے دے ضمانتی مچلکے جمع کروان دا حکم وی جاری کیتا۔ ضمانت منظور ہون اُتے شاہ رخ جتوئی سنے شاہ زیب قتل کیس دے سارے مجرماں نوں اج ای رہائی ملن دا امکان اے۔ یاد رہوے کہ شاہ رخ جتوئی سنے سارے ملزماں اُتے 2012وچ شاہ زیب نامی نوجوان نوں قتل کرن دا الزام سی۔
