آپریشن ردالفساد: سکیورٹی فورسزدی بلوچستان وچ کارروائی، دہشت گردی دا منصوبہ ناکام بنا دتا

راولپنڈی(پاکستان پوائنٹ نیوز26۔اگست2017ء) ملک بھر وچ دہشت گرداں تے اوہناں دے سہولت کاراں خلاف آپریشن ’ردالفساد‘ کامیابی نال جاری اے۔ ایس سلسلے وچ سکیورٹی فورسز نے کوئٹہ سنے کئی علاقیاں وچ ویلے سِر کارروائی کردے ہوئے دہشت گردی دا منصوبہ ناکام بنا دتا۔ آئی ایس پی آر مطابق ایف سی تے حساس اداریاں نے چار دن بلوچستان دے علاقے کوئٹہ، کلیری دھل، دشت، ڈیرہ بگٹی تے سمانی وچ دہشت گرداں خلاف خفیہ آپریشن کیتے۔ آپریشن دوران کئی مشکوک بندیاں نوں گرفتار کر کے تفتیش لئی نامعلوم تھاں تے منتقل کر دتا گیا اے۔ سکیورٹی فورسز نے کارروائی دوران دہشت گرداں دے کئی ٹھکانے وی تباہ کیتے۔