لاہور(پاکستان پوائنٹ نیوز24۔اگست2017ء) سینئر اینکر و تجزیہ کار ڈاکٹر شاہد مسعود دا کہنا اے کہ حمزہ شہباز شریف نوں مریم نواز شریف نے باہر گھلیا اے کیونکہ اوہ ہن پنجاب وچ حمزہ شہباز شریف دی تھاں لینا چاہندیاں نیں تے ایس سلسلے وچ اوہ خواجا سعد رفیق نال رلکے حکمت عملی بنا رہیاں نیں۔ اوہناں دا کہنا سی کہ حمزہ شہباز شریف تے خواجا سعد رفیق وچ پہلے ای کسے گل اُتے اختلافات نیں پر ہن حمزہ نوں باہر گھل کے مریم نواز شریف خواجا سعد نال رلکے پنجاب دی سیاست اُتے قبضہ کرنا چاہندیاں نیں۔
اوہناں دا کہنا سی کہ جے ہن نواز سریف باہر جاندے نیں تے پچھوں اوہناں دی ساری جائیداد ضبط ہو جائے گی ۔ ایس توں وکھ توہین عدالت کیس وچ 3توں 4وفاقی وزیراں دی گرفتاری وی ہوئے گی جدکہ موجودہ وزیر اعظم شاہد خاقان عباسی اوہناں خلاف وارنٹ کڈھن لئی تیار وی نیں۔
