جے آئی ٹی بنن توں ہن تیکر پاکستانی قوم نوں 14ارب رُپئے دا معاشی نقصان ہویا، اوہدا وی حساب لینا چاہیدا: احسن اقبال

جے آئی ٹی بنن توں ہن تیکر پاکستانی قوم نوں 14ارب رُپئے دا معاشی نقصان ہویا، اوہدا وی حساب لینا چاہیدا: احسن اقبال

اسلام آباد(پاکستان پوائنٹ نیوز26۔اگست2017ء) وفاقی وزیر داخلا احسن اقبال نے آکھیا کہ اے جے آئی ٹی بنن توں ہن تیکر پاکستانی قوم نوں 14ارب رُپئے دا معاشی نقصان ہویا اوہدا وی حساب لینا چاہیدا،سانوں ٹرمپ دی تقریر اُتے گل کرنی چاہیدی، پوری قوم اک آواز وچ گل کرے۔ وفاقی وزیر داخلا احسن اقبال نے اگ توں متاثر ہون والے دُکان داراں نوں اسلام آباد ولوں تعاون دی یقین دہانی کروائی۔

ایس موقعے تے وزیر مملکت برائے کیڈ ڈاکٹر طارق فضل چودھری، میئر اسلام آباد، چیئرمین سی ڈی اے شیخ انصر عزیز، وزارت داخلا، سی ڈی اے تے میئر وپولیٹن حکام سنے بازار متاثرین دی وڈی گنتی موجود سی۔ وفاقی وزیر داخلا احسن اقبال نے میڈیا نال گل بات کردے ہوئے آکھیا کہ بازار دے دورے دا مقصد صرف معائنہ نہیں بلکہ اوہدا مشاہدہ کرنا اے تے وزیر اعظم نوں وی اوہ ایہدی رپورٹ دین گے کیونکہ بازار وچ 600لوکاں دا روزگار اگ دی نذر ہو گیا اے۔

اوہناں نے آکھیا کہ ایہ بہت دُکھ بھریا واقعہ اے۔ ایس موقعے تے وزیر داخلا نے سی ڈی اے نوں ہدایت کیتی کہ ساریاں اہم تھاواں تے بلڈنگاں وچ حفاظتی اقدامات پورے ہونے چاہیدے۔ ایسے طرحاں ایمرجنسی نال نبڑن لئی اگ بجھان دا سامان بلڈنگ اندر تے کمرشل تھاواں وچ وی ہونا چاہیدا۔ اوہناں سی ڈی اے نوں ہدایت کیتی کہ سیفٹی دا اُچیچا خیال رکھیا جائے۔

وفاقی وزیر داخلا نے آکھیا کہ امریکی صدر دے بیان مگروں سیاسی و عسکری قیادت نے ملک اندر سارے پہلوواں دا جائزہ لیا اے۔ اسیں ہر قیمت تے پاکستان دے مفاد دا دفاع کراں گے۔ اوہناں دے کہنا سی کہ اسیں ایس حوالے نال سجن ملکاں نال رابطے کیتے نیں۔ اسیں سارے رلکے پاکستان دے دفاع لئی کم کراں گے۔ اوہناں نے آکھیا کہ امریکا نے آکھیا کہ پاکستان امریکا دا مقروض نہیں اے بلکہ امریکا پاکستان مقروض اے۔