پی سی بی دا شاہد آفریدی تے سعید اجمل نوں سنٹرل کنٹریکٹ نہ دین دا فیصلا

لاہور (پاکستان پوائنٹ نیوز19۔اگست 2016ء) پاکستان کرکٹ بورڈ نے کھڈاریاں لئی سنٹرل کنٹریکٹ نوں حتمی شکل دے دِتی۔ تفصیل دے مطابق جمعے دے دیہاڑے میڈیا رپورٹ دے مطابق پاکستان کرکٹ بورڈ نے کھڈاریاں لئی سنٹرل کنٹریکٹ نوں حتمی شکل دے دِتی اے، جہدے تحت سعید اجمل تے شاہد خان آفریدی نوں ہور سینٹرل کنٹریکٹ نہ دین دا فیصلا کیتا گیا اے۔جدکہ آل راؤنڈر انور علی،حارث سہیل تے جنید خان نوں وی سینٹرل کنٹریکٹ وچ تھاں نہیں ملے گی۔ وسیلیاں دے مطابق فاسٹ باؤلر محمد عامر، آل راؤنڈر عماد وسیم تے اوپنر شرجیل خان نوں وی سنٹرل کنٹریکٹ نہ دین دا فیصلا کیتا گیا اے۔ کنٹریکٹ حاصل کرن والے کھڈاریاں دے ناواں دا اعلان ویسٹ انڈیز خلاف سیریز توں پہلے ہووے گا۔