لاہور: نویاں گڈیاں لین والیاں لئی خشخبری،

پنجاب حکومت دا گڈیاں دے مالکاں نوں رجسٹریشن لئی ایکسائز دفتراں دے چکراں توں بچان دا فیصلا

لاہور: نویاں گڈیاں لین والیاں لئی خشخبری، 
پنجاب حکومت دا گڈیاں دے مالکاں نوں رجسٹریشن لئی ایکسائز دفتراں دے چکراں توں بچان دا فیصلا

لاہور(پاکستان پوائنٹ نیوز19۔اگست 2016ء) پنجاب حکومت نے پنجاب واسیاں دی سہولت لئی شہریاں نوں ایکسائز دفتراں دے چکر لوان توں بچان دا فیصلا کیتا اے۔ تفصیل دے مطابق رکن سپیشل مانیٹرنگ یونٹ سلمان صوفی نے نویں گڈی لین والیاں نوں خشخبری سناندے ہوئے آکھیا کہ ہُن کار ڈیلرز ای گڈی دی رجسٹریشن کرن گے۔ اوہناں دا کہنا سی کہ سپیشل مانیٹرنگ یونٹ تے ایکسائز ٹیکسیشن دے ڈی وی آر ایس دا کامیاب ٹرائل کرلِتا گیا اے۔ سلمان صوفی نے دسیا کہ ڈی وی آر ایس دا سافٹ ویئر پی آئی ٹی بی دے تعاون نال تیار کیتا گیا اے۔ ڈی وی آر ایس پروگرام دے تحت رجسٹرڈ ڈیلر موقع اُتے ای گڈی رجسٹرڈ کرے گا۔