نارووال: مسافر بس دی سکول رکشے نوں ٹکر، 7 بال زخمی

نارووال (پاکستان پوائنٹ نیوز19۔اگست 2016ء) نارووال وچ مسافر بس دی سکول رکشے نال ٹکر دے نتیجے وچ 7 بال ڈاڈھے زخمی ہو گئے، جہناں وچوں دو بالاں دی حالت خطرے وچ دَسی گئی اے۔ تفصیل دے مطابق نارووال دے علاقے پنڈ پنڈوری تے لاڈرے دے رہائشی سکول جان والے بال رکشے اُتے شکر گڑھ جا رہے سن کہ دوجے پاسیوں آن والی تیز رفتار مسافر بس نے رکشے نوں ٹکر مار دِتی جہدے نتیجے وچ 7 بال ڈاڈھے زخمی ہو گئے۔ جہناں نوں لوکاں نے اپنی مدد آپ دے تحت تحصیل ہسپتال شکر گڑھ منتقل کیتا، جِتھے بالاں نوں مڈھلی ڈاکڑی امداد دِتی جا رہی اے۔ زخمی بالاں وچ سلمی، فاطمہ، فائزہ، محسن، صدف، ماریہ، تے راشد شامل نیں۔ جدکہ دو بالاں دی حالت خطرے وچ دَسی گئی اے جہناں نوں لاہور منتقل کر دِتا گیا اے۔