سابق وزیراعظم تے اوہناں دے پُتراں توں تفتیش لئی سوالنامہ تیار،چیئرمین نیب، ڈپٹی چیئرمین نیب تے پراسیکیوٹر جنرل نیب نوں گھل دتا گیا

اسلام آباد(پاکستان پوائنٹ نیوز18۔اگست2017ء) سابق وزیراعظم تے اوہناں دے پُتراں توں تفتیش لئی سوالنامہ تیار، سوالنامہ چیئرمین نیب، ڈپٹی چیئرمین نیب تے پراسیکیوٹر جنرل نیب نوں گھل دتا گیا، تحقیقات لئی لاہورآن والی نیب راولپنڈی دی 8رکنی ٹیم نواز شریف تے اوہناں دے پُتراں نوں کئی گھنٹے اُڈیکدی رہی پر دفتری ویلا ختم ہون تے واپس چلی گئی، قیادت نال یکجہتی دا وکھالا کرن لئی آئے کارکن وی کئی گھنٹے اُڈیکن مگروں واپس پرت گئے۔

تفصیل مطابق نیب نے سپریم کورٹ دے فیصلے نوں مُکھ رکھدے ہوئے وزیر اعظم نواز شریف تے اوہناں دے پُتراں سنے ہور بندیاں توں تحقیقات کرنیاں نیں۔ نیب حکام مطابق نواز شریف تے اوہناں دے پُتراں نوں طلبی دے نوٹس جاری کر دتے گئے نیں جدکہ مسلم لیگ (ن) دے ترجمان و ہور رہنماواں ولوں ایہناں نوں رد کیتا جا رہیا اے۔ نیب ولوں طلب کیتے جان تے سابق وزیراعظم نواز شریف، حسن نواز تے حسین نواز یاں اوہناں دے وکیل نیب لاہور وچ پیش نہ ہوئے جہدے مگروں راولپنڈی توں آن والی 8رکنی ٹیم کئی گھنٹے اُڈیکن مگروں واپس چلی گئی۔ایس موقعے تے قیادت نال یکجہتی دا وکھالا کرن لئی آئے کارکن وی کئی گھنٹے اُڈیکن مگروں واپس پرت گئے۔