لاہور(پاکستان پوائنٹ نیوز18۔اگست2017ء) مسلم لیگ (ن) دے سینئر ومرکزی رہنما پرویز رشید نے آکھیا اے کہ اسٹیبلشمنٹ دی سوچ دا پی ٹی آئی مہرہ بنی، ادارے دا ناں نہیں لیندا پر اوہدے بندے ملوث نیں، ساڈی حکومت تے وزارت داخلا ہون مگروں وی ساڈے خلاف فیصلے ہوئے، ڈان لیکس اُتے جمہوریت نوں بچان لئی قربانی دتی، مشرف نوں اسیں نہیں گھلیا پر روک وی نہ سکے۔
اوہناں نے نجی ٹی وی نال گل بات کردے ہوئے آکھیاکہ مشرف نوں اسیں نہیں گھلیاپر اسیں اوہنوں روک وی نہ سکے۔ مشرف نوں روکن لئی اداریاں نے ساتھ نہیں دتا۔ پرویز رشید نے آکھیا کہ پہلے وزیر اعظم چُپ کر کے گھر جاندے سن ہن انج نہیں ہویا۔ وزارت داخلا دے ہوندے ہوئے ساڈے خلاف فیصلے ہوئے۔ ساڈی حکومت ہون مگروں وی بہت کُجھ ہو گیا۔ اوہناں نے نواز شریف دی نااہلی بارے آکھیاکہ پرویز مشرف دی بدروح سیاستداناں تے اداریاں وچ موجود اے جہنے سازش کیتی۔اوہناں نے اپنے انٹرویو وچ واضح کیتا کہ اسٹیبلشمنٹ دی سوچ نے ایہ سبھ کیتا جدکہ پی ٹی آئی مہرہ بنی۔
