سابق وزیر اعظم نواز شریف کل نیب وچ تفیش لئی پیش ہونگے: سینئر تجزیا کار دا دعوا

لاہور(پاکستان پوائنٹ نیوز17۔اگست2017ء) سابق وزیر اعظم میاں محمد نواز شریف کل نیب وچ تفتیش لئی پیش ہونگے۔ نجی ٹی وی چینل دے سینئر تجزیا کار مطابق سابق نااہل وزیر اعظم میاں محمد نواز شریف کل نیب لاہور وچ پیش ہون گے تے عزیزیہ سٹیل ملز کیس دے حوالے نال دسن گے کہ اوہناں نے پیسے کتھوں لئے؟سینئر تجزیا کار دا ہور کہنا سی کہ نواز شریف نوں کل دی پیشی دوران کسے قسم دیاں اوکڑاں دا ساہمنا نہیں کرنا پئے گا پر اوہناں نال حسن تے حسین نواز شریف دوویں وی پیش ہون گے۔ اوہناں دا کہنا سی کہ و وزیر اعلا پنجاب میاں محمد شہباز شریف ایس کیس وچ نیب ساہمنے پیش نہیں ہون گے۔ہور ایہ کہ کل نیب اپنے طریقے نال سابق وزیر اعظم توں تفتیش کردے ہوئے رپورٹ سپریم کورٹ نوں جمع کروائے گا۔