ایم این اے عائشہ گلا لئی پگ پا کے قومی اسمبلی پہنچ گئیاں، ارکان اسمبلی حیران رہ گئے

اسلام آباد(پاکستان پوائنٹ نیوز17۔اگست2017ء) تحریک انصاف دی سابق رہنما عائشہ گلا لئی پگ پا کے قومی اسمبلی دے اجلاس وچ پہنچ گئیاں۔ میڈیا رپورٹس مطابق عائشہ گلالئی نے قبائلی پگ پا کے قومی اسمبلی دے اجلاس وچ رلت کیتی۔ ایس موقعے تے اوہناں نے میڈیا نال گل بات کردے ہوئے آکھیاکہ اسیں قبائلی لوک آں ۔ میں تے میرا خاندان مافیا خلاف لڑ رہیا اے۔ اوہناں دا کہنا سی کہ اج میں روایتی کپڑیاں وچ کلی آئی آں۔ میڈیا نال گل بات کردے ہوئے اوہناں دا کہنا سی کہ ملک اندر سوانی دا استحصال بند کیتا جانا چاہیدا ۔ ایس موقعے تے سکیورٹی گارڈ اں اوہناں نوں روکن دی کوشش کیتی پر اوہناں دے تعارف کروان مگروں اوہناں نوں اجلاس وچ رلت لئی جان دتا گیا۔