راولپنڈی(پاکستان پوائنٹ نیوز19۔جولائی 2017ء) آرمی چیف جنرل قمر جاوید باجوہ نے آکھیا اے کہ ملکی دفاعی صلاحیت دی مضبوطی اُتے کوئی سمجھوتا نہیں کیتا جائے گا، ہیوی انڈسٹریز ٹیکسلا دا ملکی روایتی دفاعی صلاحیت دے استحکام وچ تواریخی کردار اے۔ بدھ نوں پاک فوج دے شعبہ تعلقات عامہ (آئی ایس پی) مطابق آرمی چیف جنرل قمر جاوید باجوہ نے ہیوی انڈسٹریز ٹیکسلا دا دورا کیتا۔
ایس موقعے تے آرمی چیف نوں چالو تے آؤندے دفاعی منصوبیاں بارے بریفنگ دتی گئی۔ آرمی چیف جنرل قمر جاوید باجوہ نے آکھیا کہ ملکی دفاعی صلاحیت دی مضبوطی تے کوئی سمجھوتا نہیں کیتا جائے گا۔ ہیوی انڈسٹریز ٹیکسلا دا ملکی روایتی دفاعی صلاحیت دے استحکام وچ تواریخی کردار اے۔ اوہناں نے آکھیا کہ اوکڑاں دے مگروں وی بہتری دا عمل جاری رہوے گا۔ دفاعی صنعت دی مکمل حمایت کراں گے۔ جاری منصوبیاں نوں چھیتی مکمل کیتا جائے گا۔ آرمی چیف نے ہیوی انڈسٹریز دے مختلف شعبیاں دا دورا کیتا۔ جنرل قمر جاوید باجوہ نے معیاری پیداوار لئی کارکردگی تے عزم نوں سلاہیا۔
