سیالکوٹ(پاکستان پوائنٹ نیوز19۔جولائی 2017ء) وزیر اعظم نواز شریف نے مخالفاں نوں خبردار کردے ہوئے آکھیا کہ تہاڈے الزاماں تے گندی زبان دا جواب قوم الیکشن 2018وچ دیوے گی، تہانوں لوکائی نے ووٹ ای نہیں دتا تے کیویں وزیر اعظم بن جاؤ گے؟کہدا سونا لُٹیا؟ احتساب ضرور کرور پر ایہ دسو کہ الزام کیہ اے؟ شرم کرو، شرم ۔ اوہناں نے سیالکوٹ وچ کارکناں نال خطاب کردے ہوئے آکھیا کہ خواجا آصف وفادار نمائندے نیں، ایہ ایس علاقے دا ای نہیں بلکہ نواز شریف دا وی اثاثا نیں۔
خواجا آصف کھرے تے سچے انسان نیں۔ ایہناں دے والد دیاں خوبیاں اوہناں وچ منتقل ہوئیاں نیں۔ اوہناں نے آکھیا کہ ساڈیاں تن نسلاں دا احتساب ہو رہیا اے۔ وزیر اعظم دا کہنا سی کہ اج میرا تے کل نوں مخالفاں دا وی احتساب ہونا اے۔ احتساب ضرور کرو پر دسو کہ نواز شریف تے کہڑا مقدما اے؟ اوہناں دا کہنا سی کہ 1772وچ میں بال سی ، میرے توں اودوں دا وی حساب منگیا جا رہیا اے۔ سانوں لُٹ کے منی ٹریل ساڈے توں منگے جا رہے نیں۔ اوہناں نے سوال کیتا کہ کیہ میں سیالکوٹ،لاہور موٹروے دا پیسا کھادا؟ کمیشن لِتا، کہدا سونا چوری کیتا؟ کیہ کوئی کرپشن کیتی؟ بلکہ اسیں 320ارب رُپئے قوم دے بچائے نیں۔
