اسلام آباد(پاکستان پوائنٹ نیوز19۔جولائی 2017ء) عوامی مسلم لیگ دے سربراہ شیخ رشید نے آکھیا اے کہ نواز شریف نے ملک و قوم دی بے عزتی کروائی اے جدکہ وزیر اعظم نوں ڈٹ جان دا آکھن والے اوہناں دا سیاسی تابوت بنا رہے نیں۔ سپریم کورٹ باہر میڈیا نال گل بات کردے ہوئے عوامی مسلم لیگ دے سربراہ شیخ رشید نے آکھیا کہ نواز شریف نے ملک وقوم دی بے عزتی کروائی اے۔
جِنے لوک جے آئی ٹی نوں گالھاں کڈھ رہے نیں اصل وچ اوہ سپریم کورٹ نوں گالھاں کڈھ رہے نیں۔ شیخ رشید دا کہنا سی کہ وزیر اعظم نوں ڈٹ جان دا آکھن والے اوہناں دا سیاسی تابوت بنا رہے نیں۔ نواز شریف صاحب ڈٹن دیاں گلاں چھڈو تُسیں نااہل وی ہووگے تے جیل وی جاؤ گے جدکہ نواز شریف کول استعفے توں وکھ دوجا کوئی آپشن نہیں۔شیخ رشید نے آکھیا کہ کل ججاں نے آکھیا اج وی منی ٹریل تے لے آؤ۔
