لاہور(پاکستان پوائنٹ نیوز12۔جولائی2017ء) تن ورھے پہلاں جاوید ہاشمی ولوں وزیر اعظم دی نااہلی بارے کیتے جان والے دعوے دا رولا ہر پاسے پیا ہویا اے۔ تفصیل مطابق جتھے جے آئی ٹی دی رپورٹ مگروں وزیر اعظم دی نااہلی ویکھن وچ صاف وکھالی دے رہی اے اوتھے تن ورھے پہلاں جاوید ہاشمی ولوں وزیر اعظم دی نااہلی دے حوالے نال کیتے جان والے دعوے دی گونج فیر سنائی دین لگی اے۔
تن ورھے پہلاں تحریک انصاف تے پاکستان عوامی تحریک دے دھرنے مگروں جاوید ہاشمی نے دعوا کیتا سی کہ وزیر اعظم نواز شریف نوں چیف جسٹس راہیں نااہل کروان دا منصوبا بنایا گیا سی۔ جاوید ہاشمی نے دعوا کیتا سی کہ الیکشن دھاندلی کمیشن دی رپورٹ مگروں سپریم کورٹ دے چیف جسٹس نے وزیر اعظم نوں نااہل قرار دے دینا سی۔ جاوید ہاشمی دے دعویاں دے اُلٹ اجیہا کوئی واقعہ نہیں ہویا سی پر ہن چالو صورتحال وچ سوال چُکیا جا رہیا اے کہ کیہ 3ورھیاں مگروں جاوید ہاشمی ولوں کیتا جان والا دعوا سچ ثابت ہون والا اے؟
