وزیر اعظم نوں سبھ توں ودھ نقصان سعودی عرب تے متحدہ عرب امارات دیاں حکومتاں پہنچایا

قطر نال تعلقات ختم نہ کرن کارن دوویں ملکاں دیاں حکومتاں جے آئی ٹی نوں وزیر اعظم خلاف ثبوت دتے: امتیاز عالم

وزیر اعظم نوں سبھ توں ودھ نقصان سعودی عرب تے متحدہ عرب امارات دیاں حکومتاں پہنچایا
قطر نال تعلقات ختم نہ کرن کارن دوویں ملکاں دیاں حکومتاں جے آئی ٹی نوں وزیر اعظم خلاف ثبوت دتے: امتیاز عالم

لاہور(پاکستان پوائنٹ نیوز12۔جولائی2017ء) امتیاز عالم دا کہنا اے کہ وزیر اعظم نوں سبھ توں ودھ نقصان سعودی عرب تے متحدہ عرب امارات دیاں حکومتاں پہنچایا۔ تفصیل مطابق سینئر پرچا کار و تجزیا نگار امتیاز عالم ولوں جے آئی ٹی رپورٹ آن مگروں اُچیچا تجزیا پیش کیتاگیا اے ۔ اوہناں دا کہنا اے کہ وزیر اعظم نوں سبھ توں ودھ نقصان سعودی عرب تے متحدہ عرب امارات دیاں حکومتاں پہنچایا۔

قطر تے خلیجی ملکاں وچکار پیدا ہون والا جھیڑا وزیر اعظم خلاف چنگا ثابت نہیں ہویا۔ خلیجی ملکاں خاص کر متحدہ عرب امارات تے سعودی عرب ولوں پاکستان توں مطالبا کیتا گیا سی کہ قطر نال تعلقات ختم کیتے جان اُتے شریف خاندان دے قطر دے شاہی خاندان نال قریبی تعلقات ہون کارن سعودی عرب تے متحدہ عرب دا مطالبا منظور نہیں کیتا گیا تے ایہو فیصلا وزیر اعظم لئی مَندا ثابت ہویا۔ قطر نال تعلقات نہ ختم کرن مگروں ای دوویں ملکاں دیاں حکومتاں نے جے آئی ٹی نوں وزیر اعظم خلاف ثبوت دتے تے ہن ثبوتاں کارن وزیر اعظم دے نااہل ہو ن دامکان واضح اے۔