راولپنڈی(پاکستان پوائنٹ نیوز16۔جون2017ء) چیف آف آرمی سٹاف جنرل قمر جاوید باجوہ نے آکھیا اے کہ آپریشن ’ردالفساد‘ راہیں دہشت گردی نوں جُڑوں پُٹاں گے، دہشت گرداں دا کوئی مذہب، فرقہ یاںنسل نہیں ہوندی۔ ڈی جی آئی ایس پی آر مطابق آرمی چیف جنرل قمر جاوید باجوہ نے اج این ڈی یو وچ نیشنل سکیورٹی اینڈوار کانفرنس دے رلتیاں نال خطاب کیتا۔ آرمی چیف نے رلتیاں نوں ملک دے اندرونی و بیرونی چیلنجاں بارے دسیا۔
این ڈی یو دے صدر نے آرمی چیف دا استقبال کیتا۔ آرمی چیف جنرل قمر جاویدباجوہ نے خطاب کردے ہوئے آکھیا کہ وڈے خطریاں نال نبڑن لئی قومی رسپانس ضروری ہوندا اے۔ اوہناں دا کہنا سی کہ فوج بھرپور جواب لئی ریاستی اداریاں نال رابطے وچ اے۔ پاک فوجی ملکی دفاع لئی پر عزم اے۔ اوہناں نے آکھیا کہ اپنیاں ذمے واریاں توں اکھاں نہیں موڑ سکدے۔ دہشت گردی دا خاتمہ دوجیاں اُتے الزام لانا نہیں ہووے گا۔ آرمی چیف نے آکھیا کہ دہشت گردی دا کوئی مذہب، فرقہ یاں نسل نہیں ہوندی۔
