فردوس عاشق اعوان نوں بلیک میل کرن والے ملزم نوں جیل گھل دتا گیا

فردوس عاشق اعوان نوں بلیک میل کرن والے ملزم نوں جیل گھل دتا گیا

لاہور(پاکستان پوائنٹ نیوز16۔جون2017ء) جوڈیشل مجسٹریٹ فاروق اعظم سوہل نے سابق وفاقی وزیر ڈاکٹر فردوس عاشق اعوان نوں بلیک میل کرن والے ملزم حسین زاہد نوں جوڈیشل ریمانڈ اُتے جیل گھل دتا، ایف آئی اے نے ملزم حسیب زاہد خلاف ڈاکٹر فردوس عاشق اعوان دے پرائیویٹ سیکرٹری دی درخاست اُتے مقدما درج کیتا۔ ملزم فیس بک اُتے جعلی آئی ڈی راہیں اکاﺅنٹ چلا رہیا سی تے اوس اکاﺅنٹ توں ڈاکٹر فردوس عاشق اعوان نوں بلیک میل کیتا گیا۔

ایس توں وکھ ملزم نے واٹس ایپ گروپ توں وی فردوس عاشق اعوان نوں بدنام کیتا۔ ملزم نے ڈاکٹر فردوس عاشق اعوان دیاں ایڈٹ کیتیاں گئیاں تصویراں فیس بک تے ہور گروپس وچ اپ لوڈ کیتیاں۔ ایف آئی اے نے ملزم توں ڈیجیٹل میڈیا برآمد کر لیا۔ عدالت نے سنوائی مگروں ملزم حسین زاہد نوں 14دِنا جوڈیشل ریمانڈ اُتے جیل گھل دتا۔