راولپنڈی(پاکستان پوائنٹ نیوز02۔مئی2017ء) کالم نگار ارشاد بھٹی نے اپنے کالم وچ دسیا کہ آرمی چیف نال ملاقات دوران میں اوہناں توں اک سوال کیتا کہ کوئی اجیہی دعا جو تُسیں خانہ کعبہ اندر بار بار منگی ہووے؟ جواب وچ آرمی چیف دا کہنا سی کہ اُنج تے میں پاک فوج، اپنے شہیداں، ماں پیو،بالاں، رشتے داراں تے بیلیاں لئی دعا کیتی پر خانہ کعبہ اندر میرے دل و دماغ اُتے پاکستان چھایا ہویا سی، اوتھے میں سبھ توں بُہتی دعا پاکستان لئی کیتی تے مینوں چنگی طرحاں یاد اے کہ دعا منگدے منگدے جدوں میں ایتھے پہنچیا ’اے پاک پروردگار پر امن تے مستحکم پاکستان لئی پاک فوج دیاں دتیاں گئیاں قربانیاں رائیگاں نہ جان دینا‘ تے میری جو کیفیت ہوئی اوہ میں بیان نہیں کر سکدا، ایتھے میں ایہ وی دسنا چاہنواں گا کہ اوس ویلے میں جدوں اندر اپنے ملک لئی دعا کر رہیا سی تے باہر کعبہ دا صحن نعرہ تکبیر، اللہ اکبر، پاکستان زندا باد تے پاک فوج پائندا باد دے نعریاں نال گونج رہیا سی۔
اوہناں نے دسیا کہ میں عمر بھر ایہ روح پرور ویلا نہیں بھلا سکدا۔ ارشاد بھٹی نے اپنے کالم وچ لکھیا کہ آرمی چیف دے چُپ ہون اُتے جدوں میری نظر اوہناں دیاں اکھاں ول اچن چیت پئی تے اوہ بھجیاں ہوئیاں سن۔
