اسلام آباد(پاکستان پوائنٹ نیوز02۔مئی2017ء) پاکستان پیپلز پارٹی نے پنجاب دے تنظیمی سٹرکچر نوں بدلن دا فیصلا کیتا اے۔ جہدے تحت پارٹی نے فیصل صالح حیات نوں پنجاب دا صدر بنان دا فیصلا کیتا اے۔ وسیلیاں دے مطابق بلاول بھٹو زرداری نے ایسے مہینے پنجاب دی تنظیم وچ تبدیلی دا فیصلا کیتا اے ۔ بلاول بھٹوپنجاب دی صدارت دیاں ذمے واریاں مخدوم سید فیصل صالح حیات دے حوالے کرن گے۔
مخدوم سید فیصل صالح حیات حضرت شاہ جیونہ کروڑیہ دے 10مئی نوں عرس ختم ہون دے بعد پنجاب دا دورا کرن گے تے پیپلز پارٹی دے پرانے لیڈراں نوں اک وار فیر پارٹی وچ رلت دی دعوت دین گے۔ ایس توں وکھ خالد کھرل نوں اک وار فیر پارٹی وچ رلت لئی راضی کیتا جائے گا۔ خالد کھرل، نوریز شکور، ملک مشتاق، رانا شوکت توں وکھ ہور کئی رہنماواں تے کارکناں نوں مخدوم فیصل فیر متحرک کرن گے۔مخدوم سید فیصل صالح حیات دی صدارت وچ قمر الزمان کائرہ نوں سیکرٹری دیاں ذمے واریاں دتیاں جان گیاں۔
