حسن ابدال دے نیڑے مسافر ویگن حادثے وچ 18 بندے زخمی

اسلام آباد(پاکستان نیوز پوائنٹ 04 اگست 2016ء) حسن ابدال دے نیڑے مسافر ویگن پُل توں ہیٹھاں ڈِگن دے نتیجے وچ 18 بندے زخمی ہو گئے نیں۔ نجی ٹیلی ویژن دے مطابق مانسہرہ توں راولپنڈی آن والی مسافر ویگن تیز رفتاری پاروں حسن ابدال دے نیڑے پل توں ہیٹھاں ڈِگ گئی جہدے نتیجے وچ 3 بال تے 2 سوانیاں سنے 18 بندے زخمی ہو گئے۔ ریسکیو وسیلیاں دے مطابق زخمیاں نوں تحصیل ہیڈ کوارٹر ہسپتال حسن ابدال پی او ایف ہسپتال منتقل کر دِتا گیا اے، جتھے تِن زخمیاں دی حالت خطرناک دسی گئی اے۔