سرگودھا: نوجوان کُڑی مُنڈے دی خودکشی، لاشاں گڈی وچوں برآمد

سرگودھا: نوجوان کُڑی مُنڈے دی خودکشی، لاشاں گڈی وچوں برآمد

سرگودھا (پاکستان نیوز پوائنٹ 04 اگست 2016ء) تھانا ساجد شہید دے علاقے سیٹلائیٹ ٹاؤن ڈی بلاک توں نوجوان کُڑی مُنڈے دیاں لاشاں برآمد کیتیاں گئیاں۔ اطلاع دے مطابق سرگودھا وچ سیٹلائیٹ ٹاؤن دے ڈی بلاک وچ رابعہ عاصم اپنی دوست فروہ نال ملن اوہدے گھر گئی پر بہت دیر بعد گھر واپس نہ آن تے جدوں اوہدے والد نے رابعہ نال رابطہ کیتا جو نہ ہو سکیا جہدے بعد ماں پیو نے دھی دے حوالے نال پولیس نوں اطلاع دِتی، پولیس رابعہ دی دوست فروہ دے گھر گئی جتھے گھر دے پِچھے کھڑی گڈی وچ رابعہ تے فروہ دے بھائی محمد علی دیاں لاشاں برآمد ہوئیاں، پولیس نے دسیا کہ دوواں دی موت زہریلی شے کھان نال ہوئی، اوہناں دے مونہ وچوں جُھگ نکل رہی سی، لاشاں نوں تحویل وچ لے کے ڈی ایچ کیو ہسپتال منتقل کیتا گیا جتھے دوواں لاشاں دا پوسٹ مارٹم وی کر لیا گیا پر پولیس نے دسیا کہ پوسٹ مارٹم رپورٹ آن دے بعد موت دی وجھا دے حوالے نال پتا لگ سکے گا جدکہ لاشاں نوں وارثاں دے حوالے کر دِتا گیا۔