لاہور(پاکستان نیوز پوائنٹ 04 اگست 2016ء) محکمہ ہائر ایجوکیشن پنجاب نے سرکاری کالجاں دے پڑھیاراں دی ٹرانسپورٹ فیس وچ وادھا کر دِتاجہدا باقاعدہ نوٹیفکیشن جاری کر دِتا گیا، جدکہ پڑھیاراں نے ٹرانسپورٹ فیس وچ وادھے دا فیصلا واپس لین دا مطالبہ کردے ہوئے آکھیا کہ تعلیم حاصل کرنا پہلے توں بہت مشکل ہو گیا ایس لئی ہور اوکڑاں نہ ودھائیاں جان تے فیصلا واپس لِتا جاوے۔
دسیا گیا اے کہ محکمہ ہائر ایجوکیشن پنجاب نے فیساں دے وادھے توں پریشان سرکاری کالجاں دے پڑھیاراں دے مسایل گھٹ کرن دی بجائے ہور ودھا دِتے نیں تے فیساں وچ وادھے دے بعد ہُن ٹرانسپورٹ فیس وچ وادھا کرکے اوہدا باقاعدہ نوٹیفکیشن وی جاری کر دِتا اے۔ نوٹیفکیشن دے مطابق ہر سرکاری کالج سالانا ٹرانسپورٹ فیس دے نال مہینا وار فیس وی لووے گا۔ ہر مہینا وار فیس دی مد وچ پڑھیاراں کولوں 800توں اک ہزار رُپئے لِتے جان گے جدکہ ایس توں پہلے سالانا 500 رُپئے فیس چالان دے ذریعے لِتے جاندے سن۔
