لاہور(پاکستان پوائنٹ نیوز08۔جون2017ء) پنجاب فوڈ اتھارٹی نے کارروائی کردے ہوئے کروڑاں رُپئے دے خراب آنڈے پھڑ لئے۔ ڈی جی پنجاب فوڈ اتھارٹی نور الامین مینگل نے آنڈیاں نال پاﺅنڈر بنان والی فیکٹری اُتے چھاپا ماردے ہوئے بسکٹاں لئی پاﺅڈر بنان والی فیکٹری توں ڈیڈھ کروڑ مالیت دے گیارھاں لکھ آنڈے پھڑ لئے۔ تفصیل مطابق لاہور وچ مانگا منڈی نیڑے اک پروسیسنگ یونٹ اُتے رات ویلے چھاپا ماریا گیا۔
یونٹ توں مشہور بسکٹ کمپنیاں لئی آنڈیاں دی زردی تے سفیدی وکھ کر کے پاﺅڈر تیار کرن لئی لیاندے ہوئے 11لکھ خراب آنڈے برآمد کر لئے گئے۔ فیکٹری نوں کُجھ دن پہلے سیل کیتا گیا پر غیر قانونی طور اُتے کم جاری سی۔ ویجیلٹس سیل نے ریکی تے خراب آنڈیاں دی سپلائی آﺅندے ای چھاپا ماریا۔ آنڈے ایس حد تیک خراب ہو گئے سن کہ کئی آنڈیاں وچوں چوچے نکلے ہوئے سن۔
