جی سی یونیورسٹی فیصل آباد دے شعبہ پنجابی ولوں ادبی نشت دا انعقاد

انگلینڈ وسدے مشہور پنجابی و اُردو شاعر ڈاکٹر یونس امین دی رلت

جی سی یونیورسٹی فیصل آباد دے شعبہ پنجابی ولوں ادبی نشت دا انعقاد
انگلینڈ وسدے مشہور پنجابی و اُردو شاعر ڈاکٹر یونس امین دی رلت

فیصل آباد(پاکستان پوائنٹ نیوز30۔اکتوبر۔2018ء) جی سی یونیورسٹی فیصل آباد دے شعبہ پنجابی ولوں ادبی نشت دا انعقاد کیتا گیا۔ تفصیل مطابق جی سی یونیورسٹی فیصل آباد دے شعبہ پنجابی دی ادبی مجلس’سانجھ‘ ولوں انگلینڈ وسدے مشہور پنجابی و اُردو شاعر ڈاکٹر یونس امین ہوراں نال گل بات لئی اک ادبی نشت دا پربندھ کیتا گیا۔ ایس موقعے اُتے شعبہ پنجابی دے اُستاد پروفیسر محترمہ ڈاکٹر عاصمہ غلام رسول،پروفیسر ڈاکٹر فیاض مگھیانہ تے لیکچرار غلام مصطفی سنے طلباء دی وڈی گنتی نے رلت کیتی۔

ڈاکٹر عاصمہ غلام رسول ہوراں دا مشہور پنجابی و اُردو شاعر ڈاکٹر یونس امین بارے آکھنا سی کہ سانوں خُشی اے کہ ڈاکٹر یونس امین باہرلے ملک رہ کے وی اپنی زبان دی خدمت تے اپنی مٹی نال جُڑے ہوئے نیں۔ غلام مصطفی ہوراں دا آکھنا سی کہ ڈاکٹر صاحب دیاں علمی تے ادبی خدمتاں نوں بُھلایا نہیں جا سکدا۔