کیہدی سُناں؟شوہر نے تنگ آکے دوناں بیویاں نوں قتل کردتا

لاہور(پاکستان پوائنٹ نیوز22۔نومبر۔2018ء) کیہدی سُناں؟شوہر نے تنگ آکے دوناں بیویاں نوں قتل کردتا۔ تفصیل دے مطابق ستوکتلا وچ گھریلو جھیڑے اُتے خاوند نے اپنیاں ای دوناں بیویاں نوں قتل کر دتا۔ میڈیا رپورٹس وچ دسیا گیا اے کہ لاہور دے علاقے ستوکتلا وچ گھریلو جھیڑے اُتے ریاست عرف جگا نامی بندے نے اپنیاں دوناں بیویاں نوں قتل کر دتا۔ شوہر نے اپنیاں دوناں بیویاں نوں فائرنگ کر کے قتل کیتا۔ ملزم بیویاں نوں قتل کر کے موقعے توں فرار ہو گیا۔ بعدوں پویس دی بھاری نفری موقعے اُتے اپڑی تے مڈھلیاں تحقیقات مگروں لاشاں نوں جناح ہسپتال دے مردہ خانے منتقل کر دتا۔ پولیس وسیلیاں دے مطابق ہلاک ہون والیاں سوانیاں دے ناں نسرین تے بشری بی بی نیں۔