چکوال(پاکستان پوائنٹ نیوز06۔دسمبر۔2018ء) چکوال وچ ربیع الاول دی مناسبت نال سالانہ کانفرنس دا انعقاد۔ تفصیل دے مطابق نبی کریم دی ولادت با سعادت دے پاک مہینے ربیع الاول دے حوالے نال بعثت رحمت عالم دی سالانہ کانفرنس دارالعرفان منارہ وچ منعقد ہوئی۔ کانفرنس وچ شیخ المکرم امیر حضرت مولانا عبدالقدیر اعوان نے ملک بھر توں آئے ہوئے ہزاراں مریداں نال خطاب کردے ہوئے آکھیا کہ نبی نال محبت دا اظہار کدی نہ رُکیا اے تے نہ کدی رُکے گا۔
اوہناں نے اپنے والد محترم مرحوم حضرت مولانا محمد اکرم اعوان دے حوالے نال آکھیا کہ نبی دی ذات نال جیہڑے لوکاں دا ایمانی رشتہ اے اوہ خش نصیب نیں۔ رب دیاں ساریاں عطاواں اک پاسے تے رحمت عالم دی بعثت مبارک اک پاسے اے۔ ایہ سبھ توں وڈا احسان اے۔ شیخ المکرم امیر حضرت مولانا عبدالقدیر اعوان نے آکھیا کہ کہ نبی کریم دی ذات مجسم رحمت اے پر نبوت اتے مبعوث کرنا رب دا وڈا اعزاز تے احسان اے۔ ایس کانفرنس نال سینیٹر عبدالقیوم، امجد اعوان تے ہور نے خطاب کیتا۔ ایس موقعے اُتے سکیورٹی دے فول پروف انتظامات کیتے گئے سن۔ کانفرنس دے آخیر اُتے حضرت عبدالقدیر اعوان نے ملک و قوم تے امت مسلمہ دی سلامتی لئی دُعا کیتی۔
