سیالکوٹ وچ زہریلا کھانا کھان نال 8بندیاں دی حالت وگڑ گئی

متاثرہ بندیاں وچ 1 بال،3 سوانیاں تے 4 مرد شامل

سیالکوٹ وچ زہریلا کھانا کھان نال 8بندیاں دی حالت وگڑ گئی
متاثرہ بندیاں وچ 1 بال،3 سوانیاں تے 4 مرد شامل

سیالکوٹ(پاکستان پوائنٹ نیوز09۔اکتوبر۔2018ء) پنجاب دے شہر سیالکوٹ وچ زہریلا کھانا کھان نال اک ای خاندان دے اٹھ بندیاں دی حالت وِگڑ گئی اے۔ تفصیل مطابق سیالکوٹ دی تحصیل پسرور دے دوالی پنڈ کوٹ رائے وچ زہریلا کھانا کھان نال اک ای خاندان دے اٹھ بندیاں دی حالت وِگڑ گئی اے۔ پولیس مطابق واقعہ اوس ویلے پیش آیا جدوں رات 11وجے متاثرہ خاندان نے اکٹھے کھانا کھادا سی ۔ کھانا کھان دے کوئی دو گھنٹیاں مگروں گھر جے جیاں دی حالت خراب ہوندی گئی۔متاثرہ بندیاں وچ اک بال، تن سوانیاں تے چار مرد شامل نیں، جیہناں نوں محلے داراں نے اپنی مدد آپ دے تحت پرائیویٹ ہسپتال منتقل کیتا۔ جتھے اوہناں دی حالت ہن خطرے توں باہر دسی گئی اے۔