لاہور وچ مقامی چھٹی دا اعلان

لاہور وچ مقامی چھٹی دا اعلان

لاہور(پاکستان پوائنٹ نیوز12۔دسمبر۔2018ء) لاہور وچ مقامی چھٹی دا اعلان کر دتا گیا اے۔ تفصیل دے مطابق لاہور دے حلقہ پی پی 168وچ کل ضمنی الیکشن ہوئے گا۔ پی پی 168لاہور وچ تحریک انصاف دے اسد کھوکھر تے مسلم لیگ (ن) دے رانا خالد وچکار جوڑ پئے گا۔ الیکشن کمیشن نے پی پی 168لاہور وچ ضمنی الیکشن دیاں تیاریاں وی کر لئیاں نیں۔ ایس سلسلے وچ پنجاب حکومت نے حلقے وچ سرکاری عام چُھٹی دا اعلان کیتا اے۔

دوجے پاسے امیدواراں وچکار ڈاڈھے مقابلے دی آس اے۔ یاد رہوے کہ عام انتخابات 2018وچ پی پی 168لاہور توں خواجا سعد رفیق نے تحریک انصاف دے امیدوار محمد فیاض بھٹی نوں ہرایا سی۔ پر بعدوں خواجا سعد رفیق نے ضمنی الیکشن دوران قومی اسمبلی دی سیٹ جِتن مگروں پی پی 168دی صوبائی اسمبلی دی سیٹ چھڈ دتی سی۔