چکوال(پاکستان پوائنٹ نیوز08۔جون2017ء) چکوال وچ کُڑی نوں پسند دا ویاہ کرنا مہنگا پے گیا، ضلع کچہری دے باہر 10بندیاں نے حملا کر دتا۔ میڈیا رپورٹس مطابق ناڑاں مغلاں دے رہائشی مُنڈے حسن علی نے دائیوال دی کُڑی سمیرا نال ویاہ کیتا ۔سمیرا جدوں عدالت وچ بیان دین لئی اپنے دیور نال آئی تے ایس دوران حسن علی دا بھرا معظم علی جو کہ پولیس ملازم اے، مخبری ہو جان اُتے کُڑی دے ماں پیو نے پولیس نال ملی بھگت کردے ہوئے سب انسپکٹر راجا مظہر حسین نے ضلع کچہری دے گیٹ باہر پوزیشن لے لئی تے جدوں سمیرا گیٹوں نکلی تے اوہنوں روکدے ہوئے اپنے ہور رشتے داراں نوں اطلاع کر دتی جہناں موقعے تے پہنچ کے سمیرا نوں اغوا کردے ہوئے اپنے نال لے گئے۔
سمیرا دے خاوند نے دسیا کہ اوہنوں ڈر اے کہ اوہدی بیوی نوں قتل کر دتا جائے گا۔ سمیرا دے خاوند دا کہنا سی کہ جے میری بیوی نوں کُجھ ہویا تے اوہدی ذمے وار چکوال پولیس ہووے گی۔ اودھر پولیس نے نوجوان دلھے دے بھرا کانسٹیبل معظم نوں وی گرفتار کر لیا اے۔
