مسجد دی عزت دا ڈر تے نہ ای رمضان دا احترام

کراچی(پاکستان پوائنٹ نیوز10۔جون2017ء) کراچی وچ ایم ٹی خان روڈ اُتے موجود مسجد وچ مزدور دی جیب توں اک وڈیرے بابے نے اوہدی جمع پونجی چوری کر لئی۔ تفصیل مطابق کراچی وچ ایم ٹی خان روڈ اُتے موجود مسجد وچ وڈیرے بابے نے مزدوردی جیب اوہدوں وڈھی جدوں اوہ ظہر پڑھن مگروں سُتیا ہویا سی۔ مسجد وچ لگے سی سی ٹی وی کیمرے دی فوٹیج وچ ویکھیا گیا کہ اک وڈیرا بابا مسجد وچ سُتے ہوئے مزدور کول آ کے بیٹھا تے اوہدی جیب توں 15ہزار رُپئے کڈھ کے لے گیا۔ جمع پونجی لُٹے جان اُتے مزدور بے حال ہو گیا۔ پولیس دا کہنا اے کہ سی سی ٹی وی فوٹیج دی مدد نال چور نوں چھیتی گرفتار کر لیا جائے گا۔