اسلام آباد (پاکستان پوائنٹ نیوز۔20 جولائی۔2016) بنجاہی وزیر سیفران عبدالقادر بلوچ ءَ گشتگ انت کہ فاٹا ءَ لڈ ءُُ بہر کنوکیں مردم رواں سال وتی گِس ءَ واپس بہ رو انت، آپریشن ءِ وھد ءَ کجام وانگی ادارگ آں تاوان رستگ آھاں پچ کنگ بیت۔ چار شمبے ءَ ایوان بالا ءِ دیوان ءَ وقفہ جست آنی وھد ءَ سینیٹر احمد حسن، حافظ حمد اللہ، شاہی سید ءِ جست آنی پسو ءَ بنجاہی وزیر سیفران عبدالقادر بلوچ ءَ ایوان ءَ گشتگ کہ ڈگری کالج درہ آدم خیل ءِ جوڑ ءُُ جاڑی ءُُ پدا جوڑ کنگ ءِ ھاتر ءَ 2015-16ءَ 47ملین کلدار ایر کرت انت، 26مئی 2016ءَ دو ملین کلدار ھرچ کرت انت، منصوبہ تاں 30جون 2017ءَ سرجم بیت۔
آئی ءَ گشتگ کہ رواں سال درستیں آئی ڈی آنی واپسی وتی گِس ءَ رو انت، فاٹا ءَ آپریشن ءِ وھد ءَ ءُُ نا شرکار آنی نیمگءَ 555وانگی ادارگ سرجم ءُُ 91جزوی وڑ ءَ تباہ بوتگ انت ۔ آئی ءِ بحالی ءِ ھاتر ءَ سد ارب کلدار ایر کرتگ انت۔
