ایبٹ آباد (پاکستان پوائنٹ نیوز۔20 جولائی۔2016) قائم مقام سپیکر مرتضیٰ جاوید عباسی ءَ گشتگ انت کہ حق وت واجہی ءِ پجارینگ ءِ ھاتر ءَ کشمیری اُلس ءِ نیمگ ءَ داتگیں قربانی گار نہ باں گوستگیں 6دہائی آں چہ زیات وھد ءَ کشمیری اُلس ھق وت واجہی ءِ پجارینگ ءِ ھاتر ءَ قربانی دئیگ ءَ انت۔ زلم ءُُ بر بریت ءِ ذریعہ ءَ کشمیری اُلس ءِ توار چیر دات نہ کن انت۔
اے ھیال آنی درشانی آئی ءَ بھارتی فوج ءِ نیمگ مقبوضہ وادی ءَ ساڑی قتل ءُُ کوش ءُُ لٹ ءُُ کُٹ ءِ وھیل ءِ زار شانی ءِ ھاتر ءَ چار شمبے ءَ گوازینگ ءَ یوم سیاہ ءِ موہ ءَ وتی کلہو ءَ کرتگ۔ مرتضیٰ جاوید عباسی ءَ مسئلہ کشمیر ءَ کشمیری اُلس ءِ امیت آنی ردا اقوام متحدہ ءِ قرار داد آنی ردا ھل کنگ ءِ ضلورت ءِ سرا زور داتگ۔ پاکستان کشمیری اُلس ءِ امیت آنی ردا مسئلہ کشمیر ءِ تاں ھل ءَ کشمیری اُلس ءِ سیاسی، اخلاقی ءُُ سفارتی حمایت برجاہ داریت، قائم مقام سپیکر مرتضیٰ جاوید عباسی ءَ مقبوضہ کشمیری آں گوں یکجہتی ءِ درشانی کنگءَ یوم سیاہ ءِ موہ ءَ دست آں سیاہ پٹی بندگ ءَ احتجاج کرت انت۔
بنجاہی اسمبلی ءُُ پارلیمنٹ ءِ ھذمت کنوک دومی محکمہ آنی ملازم آں ہم مقبوضہ وادی ءَ بھارتی زلم ءِ ھلاپ دست آن سیاہ پٹی بندگ ءَ وتی کار کرت انت۔
