پبلڪ اڪائونٽس ڪميٽي جي فيصلن تي عملدرآمد جي لاءِ جوڙيل ذيلي ڪميٽي جو اجلاس

اسلام آباد (پاکستان نیوز پوائنٹ 15نومبر2016ء) پبلڪ اڪائونٽس ڪميٽي جي فيصلن تي عملدرآمد جي لاءِ جوڙيل ذيلي ڪميٽي جو اجلاس ڪميٽي جي ڪنوينر رانا افضال حسين جي غير موجودگي سبب ملتوي ڪيو ويو آهي. اجلاس سومر ڏينهن صبح جو 11 وڳي پارليامينٽ هائوس ۾ ٿيڻو هو. ان موقعي تي پيٽروليم ۽ قدرتي وسيلن واري وزارت ۽ ذيلي ادارن جي 60 کان 70 آفيسرن ۽ عملي کانسواءِ ٻين لاڳاپيل ادارن جا آفيسر موجود هئا تنهن هوندي به 15 منٽ دير ٿي ته پي اي سي جي جوائنٽ سيڪريٽري اجلاس جي شرڪت ڪندڙن کان معذرت ڪندي چيو ته ڪميٽي جو ڪنوينر ڪجهه سببن جي ڪري نه اچي سگهيو، اجلاس جي لاءِ شيڊول جو اعلان بعد ۾ ڪيو ويندو.