مخالف ڌر وٽ 5 سالن ۾ تنقيد کانسواءِ ٻيو ڪو ڪم نه آهي: سيد ذوالفقار عباس بخاري

اسلام آباد (پاکستان پوائنٹ نیوز27دسمبر 2018ء) وزيراعظم جي سمنڊ پار پاڪستانين واري خصوصي معاون سيد ذوالفقار عباس بخاري چيو آهي ته مخالف ڌر وٽ 5 سالن ۾ تنقيد کانسواءِ ٻيو ڪو ڪم نه آهي، فڪر آهي احسن اقبال ڪنهن قطري سان گڏ تصوير ٽوئيٽ ڪري قطر ويزا سينٽر ڪريڊٽ به نه کڻي وٺي. اها ڳالهه هن قطر ويزا سينٽر جي افتتاح کانپوءِ صحافين سان ڳالهائيندي چئي. سپريم ڪورٽ مان پنهنجي حق ۾ فيصلي جي حوالي سان هن خوشي جو اظهار ڪندي چيو ته پاڪستان جي قابل ججن منهنجو فيصلو ڪيو، اهو فيصلو رڳو زلفي بخاري جي لاءِ نه پر سمورن سمنڊ پار پاڪستانين جي لاءِ آهي. هن چيو ته اهو فيصلو سمورن سمنڊ پار پاڪستانين جي لاءِ نويد آهي. هن چيو ته اوورسيز پاڪستانين واري وزارت ٻاهرئين ملڪ رهندڙ پاڪستانين جي لاءِ پاڪستان ۾ پرڪشش موقعا فراهم ڪندي.